Komunat

Deponia në hyrje të Treboshit kthehet në park

Problemi i deponisë së egër në hyrje të fshatit Trebosh, ku për një kohë të gjatë banorët e këtij fshati hidhnin mbeturina tashmë është zgjidhur. Komuna e Zhelinës, me mjete nga buxheti, ka bërë pastrimin e kësaj deponie, duke e shndërruar në park, informoi kryetari i komunës së Zhelinës, Qenan Aliu. Ai, tha se në atë vend janë mbjellë fidane kurse qytetarëve u është kërkuar që të mos hedhin më mbeturina më në atë vend.
"Banorëve të fshatit Trebosh, por edhe të vendbanimeve të tjera edhe më herët u është kërkuar që të mos hedhin mbeturina në vende publike, apo në rrugë siç ishte rasti me deponinë e krijuar në hyrje të fshatit Trebosh. Në anën tjetër, së shpejti pritet të përfundojë tenderi për dhënien e koncesionit ndonjë kompanie, e cila do të bëjë bartjen e mbeturinave duke përfshirë të gjithë vendbanimet e komunës", deklaroi ai, duke shtuar se në fund të muajit maj do të dihet se cila kompani do të fitojë të drejtën e koncesionit.
Sipas planit të komunës, ajo kompani që do të fitojë këtë koncesion do të ketë për obligim që të shpërndajë kontejnerë nëpër shtëpi dhe të bëjë bartjen e mbeturinave, duke i dërguar në një lokacion të destinuar për hedhjen e mbeturinave. Fillimisht do të fillohet me dy, apo tre vendbanime dhe më pas do të përfshihen edhe vendbanimet e tjera, duke bërë të mundur mbulimin e çdo amvisërie në komunë me kontejner për mbeturina.

Të tjera:

Aliu: "Së shpejti do të tejkalohen mangësitë"
Projektet janë gati, mungojnë paratë!
Deponia në hyrje të Treboshit kthehet në park
Qytetarët shprehin interesim për legalizim
Bukurinë që dha natyra e prish pamja e lumit përplot me mbeturina

TOP