Komunat

Qytetarët shprehin interesim për legalizim

Qytetarët e komunës së Zhelinës, gjithnjë e më shumë shfaqin interes për të bërë legalizimin e objekteve të tyre për të cilat nuk posedojnë leje. Në ditën e hapur të komunës, shumica e qytetarëve ishin të interesuar për të legalizuar objektet e tyre, pasi tani edhe procedura e legalizimit të objekteve duket se është më e lehtë. Kryetari i komunës së Zhelinës, Qenan Aliu, theksoi se çmimet për ndërtim nuk kanë ndryshuar, duke u dhënë një mundësi më shumë qytetarëve që të legalizojnë objektet e tyre. Në lidhje me atë se sa qytetarët janë të gatshëm të fillojnë të paguajnë taksat për të legalizuar objektet e tyre, Qenan Aliu pohoi se për çdo ditë e më tepër vetëdija e qytetarëve për të paguar taksat komunale po rritet dhe mendoj se me kalimin e kohës kjo vetëdije do të rritet edhe më shumë.
"Qytetarët gjatë ndërtimeve të objekteve afariste, apo banesore ku do të investojnë shuma të mëdha, me siguri se do të bëjnë edhe pagesën e taksave komunale, të cilat janë shumë të vogla në krahasim me investimet që bëjnë ata", thotë Aliu. Sipas tij, pushteti lokal është në shërbim të qytetarëve dhe kërkesat e tyre shqyrtohen brenda një afati të shkurtër.
Versioni i fundit i ligjit për legalizimin e objekteve pa leje parasheh pajisjen me dokumentacion vetëm të atyre objekteve që janë të ndërtuara në pajtim me planet urbanistike në fuqi për vendbanimet përkatëse në komunë.

Të tjera:

Aliu: "Së shpejti do të tejkalohen mangësitë"
Projektet janë gati, mungojnë paratë!
Deponia në hyrje të Treboshit kthehet në park
Qytetarët shprehin interesim për legalizim
Bukurinë që dha natyra e prish pamja e lumit përplot me mbeturina

TOP