Lokacionet përgjatë rrjedhës së lumit Vardar dhe tek qendra për kulturë në Gostivar janë vendet më të dëmshme për jetë në Gostivar. Matjet radiestezike dhe gjeobiologjike kanë treguar se çrregullime më të mëdha të rrezatimeve elektromagnetike ka në shtresën tokësore nën ndërtesat banesore përgjatë shtratit të lumit Vardar, blloku i ndërtesave tek tregu i madh dhe kulla te qendra për kulturë.
Ekonomi"Këshilli nismëtar nuk është organ legjitim"
Të tjera: |
Drejtuesi i procesit të falimentimit në SHA "Plastika Medicinale", Miodrag Gjorgjeski konsideron se këshilli nismëtar për shpëtimin e kësaj ndërmarrjeje është një organizim jo legjitim dhe nuk mund të marrë pjesë në procesin e falimentimit që është në rrjedhë. Qëndrimin e këtillë Gjorgjeski e bëri të ditur në takimin e javës së kaluar që e organizoi këshilli nismëtar, duke përmendur se në këtë procedurë organe legjitime janë gjykatësi i falimentimit, drejtuesi i falimentimit, këshilli i kreditorëve dhe kuvendi i kreditorëve.
Gruaja dhe FamiljaZbulohet përqindje e lartë e grave që vuajnë nga osteoporoza
Të tjera: |
Në dy ditët e para të aksionit për zbulimin e hershëm të osteoporozës në repartin intern në spitalin e Tetovës u kontrolluan 40 gra. Aksioni realizohet në bashkëpunim me shoqatën për osteoporozë dhe klinikën për endokrinologji nëpërmjet një aparati me ultrazë të huazuar nga klinika e Shkupit. Mjekët konstatuan se nuk është e vogël përqindja e grave tek të cilat është zbuluar se vuajnë nga osteoporoza. Që të mund të ndiqet zhvillimi i kësaj sëmundjeje, është e domosdoshme që spitali i Tetovës të posedojë aparat për zbulimin e osteoporozës, pasi kontrollet private janë të shtrenjta.
KomunatAliu: "Së shpejti do të tejkalohen mangësitë"
Të tjera: |
Në raportin e komisionit qeveritar për vlerësimin e zbatimit të procesit të decentralizimit, të bërë publik kohë më parë, thuhej se komuna e Zhelinës nuk i ka plotësuar kushtet në aspektin e punësimeve në sektorin e tatimeve, duke e bërë atë jo të përgatitur për kalim në fazën e dytë të decentralizimit. Mirëpo sipas kryetarit të komunës së Zhelinës, Qenan Aliu, deri në fund të muajit maj edhe ky kusht do të plotësohet.
SportShmangia e barazhit, thuajse e pamundur për Shkëndinë
Të tjera: |
Skuadra e Shkëndisë humbi një ndeshje të rëndësishme kundër Pelisterit. Tetovarët udhëtuan drejt Manastirit me shpresën për një rezultat pozitiv, që do të rriste shpresat për shmangien e fundit të tabelës. Por, të vënë para presionit të barazhit edhe vendasit kërkonin me çdo kusht fitoren që përfundimisht i largonte nga rreziku. Pas kësaj humbjeje "kuqezinjtë" mbeten në vendin e 10të me 38 pikë të grumbulluara, sa ka edhe Sileksi, ndërkaq Bashkimi ka një pikë më shumë, pra 39 pikë.