Sport

Mavrova në ligën e parë, nëse Rabotniçki hyn në ligën e Adriatikut

Me ndeshjet e xhiros së fundit në ligën e parë B, përfundoi sezoni garues për basketbollistët e Gostivarit. KB “Mavrova“ ndeshjen e fundit e cila duhej të luhet të shtunën e fitoi me rezultat zyrtar 20:0, pasi që ekipi i Krasnaja nuk udhëtoi për në Gostivar.
Në radhët e klubit nga Gostivari janë në pritje të vendimeve të Federatës së Basketbollit të Maqedonisë, pasi nëse skuadra e Rabotniçkit kalon në Ligën e Adriatikut atëherë në ligën e parë të Maqedonisë do të ketë një skuadër më pak.
"Edhe pse kemi numër të njejtë të pikëve, rezultati i ndërsjellëështë në favor të Karposh Sokoli. Në ndeshjet e "play out"it ata fituan ndeshjen e parë me dhjetë pikë diferencë, ndërsa ne fituam me nëntë pikë diferencë. Shpresojmë se në sezonin e ri do të hapet një vend në ligën e parë, dhe presim ftesë nga FBM", deklaroi Vojçe Blazheski trajner i KB Mavrova.
Mavrova pas 14 xhirove të zhvilluara në ligën e parë B shënoi 10 fitore dhe 4 humbje, duke u renditur në pozitën e tretë me 24 pikë, po aq sa ka edhe Karposh Sokoli i vendit të dytë. Vendin e parë e siguroi Amak SP nga Ohri.

Të tjera:

Mavrova në ligën te parë, nëse Rabotniçki hyn në ligën e Adriatikut
Pas fitores ndaj Milanos, Teteksi siguron pjesëmarrjen në barazh
Drita "pengohet" në Reçicë të Madhe
Shkëndija edhe një herë mund Renovën
Renova në prag të trofeut të parë në futboll
Barazimi në Kratovë, rezultat i referimit skandaloz

TOP